Rajdhurandar Tararani-राजधुरंधर ताराराणी

सर्व इतिहाथ सत्याला साक्षी ठेवून आमचे मित्र श्री. राजेंद्र घाडगे यांनी प्रस्तुतच्या त्यांच्या ताराबाई चरित्रात साधेत मांडला आहे. त्यांची कथनशैली ओघवती व स्वर्षस्पष्ट आहे. ज्या विषयावर लेखन करायचे आहे, तो विषय पूर्णपणे आत्मसात करूनच त्यास हात घालायचा, ही त्यांची लेखनपद्धती आहे, ताराबाई चरित्रासाठी त्यांनी त्या काळाशी संबंधित असणारे सर्व सिद्ध व साधन ग्रंथ यांचे काळजीपूर्वक वाचन, चिंतन व संशोधन केले आहे. त्याबद्दल त्यांचे कौतुक करावे, तेवढे थोडेच आहे. २०-२२ वर्षांपूर्वी जेव्हा माझी व त्यांची पहिली भेट साताऱ्यात झाली, तेव्हा ते ‘कवी’ होते. मी त्यांना इतिहास-पंढरीची वाट धरावयास लावली. त्यांनी त्या वाटेवरून जात राजर्षी शाहू छत्रपती, शहाजीराजे भोसले या इतिहासातील नायकांवर चरित्रग्रंथ लिहिले आहेत. प्रस्तुतचा ताराबाईसाहेबांवरील हा चरित्रग्रंथ त्यांच्या अभ्यासाची साक्ष देत इतिहासप्रेमी वाचकांच्या दर्शनास येत आहे. त्याचे स्वागत महाराष्ट्रात खात्रीनेच होईल, अशी माझी आशा आहे.